انا بقه فى واحد رشح لى واحدة اخطبها ما سالتوش على حاجة تخصها خالص قولت ماشى نشوفها
رحت رايح فى الميعاد علشان نتعرف على بعض وخدت معايا لزوم الزيارة كان الميعاد عندهم فى الشقة
اول ما دخلت قابلنى والدها ورحب بيا وبالراجل اللى مرشحهالى ودخلت على اوضة الصالون
وهما ما كانوش يعرفوا عنى حاجة خالص صديقى ما حكى لهم عن اى حاجة تخصنى خالص
بعد شوية ابوها بيسالنى اسمك ايه
قلت له عبد الحليم
لقيت فجأة الراجل جات هيستريا الضحك وقعد يضحك كتير اوى ييجى حوالى خمس دقايق وكل ما يبطل يقعد يضحك تانى
انا ساعتها اتنرفزت جامد ووشى احمر وقلت له هو اسمى فيه حاجة عيب يا حاج
رايح قايلى معلش يا بنى ما تاخذنيش انت تعرف اسم العروسة
قلت له لأ
رايح قايلى اسم العروسة ام كلثوم
كل اللى كانوا قاعدين بما فيهم انا جت له هيستريا من الضحك وبقى كل واحد يعلق
اللى يقول اول عيل تسموه فريد الاطرش والبت سموها شادية وهلم جرا
المهم فى الاخر محصلش نصيب
تعليقات
إرسال تعليق