و انا صغيرة كان نفسى اطلع دكتورة فاختى الكبيرة وقعت على ركبتها .. فانا قولتلها ثانية واحده هعلجك روحت جبث مقص حديد كبير عندنا و خبيته و خلتها تتنى رجليها زى دكاترة الاعصاب ما بيعملوا و طاخ نزلت بجمب المقص على ركبتها😅حظها حلو علشان كنت بدور على شاكوش ملقتش.. مرة تانية كان عندها برد روحت جبت قلم و دبيته فى مناخيرها و هى نايمة.. قعدت تعيط و نزلت دم بس الحمد لله العملية نجحت grin رمز تعبيري مرة اخيرة كنت بلعب مع بنت خالى فكنت عايزة اعمل انها عامية و انا هعملها عملية و تفتح روحت خلتها تقفل عنيها و لزقتهم بسلوتيب جامد.. و لفيت عنيها ووشها كله برباط ضاغط اللى كانت خالتى بتلف بيه رجليها .قعدت تكح و مكناش عارفين نفك الرباط و السلوتيب لزق فى رموشها جامد و مكنش راضى يطلع .. خالى زعل اوى ساعتها .. مش عارفة ليه 😑..افتكرت حاجة تانيةاكتشفت ان ابن خالتى ودانه مش مخرومين زينا ..روحتجبت الخرامة و هو نايم و لسه هشتغل بس الحمد لله صحى و قام يجرى..
تعليقات
إرسال تعليق