كنت مره عالمه عيد ميلاد لصاحبيتى فى كافية وحجزاه كله بعدين دفعت كل الحساب لكل الموجودين عشان كلهم كانوا معفنين ومش معاهم فلوس وكنت اصلا جايبه واحد واحد فيهم من بيته عشان خاطر صاحبيتى .. المهم واحنا مروحين انا وصاحبيتى هنروح نفس المكان بالتاكسى وبعدين انا اركب المترو واروح .. المصيبه انه كان معايا نص جنية .. قلت هى تدفع بقى الموصلات .. واحنا خارجين الولاد حابوا يعملوا محترمين وراسهم والف سيف يوصلونا لحد بيتنا .. وانا كرامتى وخدانى اوووى وبقيت بزعق فى الشارع .. لقيت صاحبيتى شدتنى وبتقولى احترمى نفسك انا مش معايا غير ربع جنية .. رحت بصتلهم اووى كده ووشى قلب فراشه فجاءة وقولتلهم " وقف تاكسى لمصر الجديده لو سمحت " grin رمز تعبيري وحظى الحلو وانا راحه للمترو وقفت ومش معايا غير نص جنيه .. لقيت ست بقولها انا عايزة اروح الحته كذا اركب كام محطه .. قالتلى 2 .. قولتلها وهو بدفع فى كل محطه قالتلى لا طبعا استنى بصى وراحت جبتلى تذكره .. وانا طلعت المحفظه وراسى والف سيف برضوا ادفعلها .. وهى مردتش ابدا grin رمز تعبيري الحمدلله انها مرديتش
تعليقات
إرسال تعليق