في مرة كنت بشتري حاجات انا و مراتي عادة وإحنا خارجيين نشتري اي حاجة بخلي الفلوس معاها في محفظتها غير إنها بيكون معاها فلوس تانية غير اللي هنشتري بيها المهم كل ما نشتري حاجة ونتفرج وتعجبنا اخد منها جزء من الفلوس عشان احاسب جت في مرة راحت مطلعة كل الفلوس اللي في محفظتها اديتهالي لغاية ما خلصنا شراء ماكنش فاضل في جيبي غير خمسة جنية و انا مطمن ان معاها فلوس تاني ركبنا اول ميكروباص دفعت الخمسة جنية اللي معايا في الميكروباص التاني بقولها هاتي فلوس من اللي معاكي قالتلي انا اديتك الفلوس كلها والعربية خلاص طلعت من الموقف ومش عارف اعمل ايه ؟ ستر ربنا الواد التباع كان عارفني لقيت في جيبي ٧٥ قرش فاضلة معايا اديتهمله و وطيت على ودانه قولتله معليش بس الفلوس وقعت مني لما نوصل هنزل اجيبلك الباقي وفعلا نزلت عند بيت ابويا لإنه اقرب طلعت جيبت فلوس من فوق ونزلت استناه في الشارع لغاية ما رجع تاني واديتله باقي الفلوس بصراحة الواد ماكنش راضي ياخدها بس انا اصريت واديتهمله ومن يومها لما نيجي خارجيين نشتري لبس للبنات ولا اي حاجة لازم اشيل معاها فلوس احتياطي على جنب في المحفظة غير اللي هنشتري بيها
تعليقات
إرسال تعليق