اقسم بالله اقسم بالله الموقف دة حصل زى ما هقول كدة بالظبط سنة 1999 كنا فى رابعة كلية انا كنت فى اسكندرية انا وواحد صاحبى اسمة هيثم المهم كنا مرتبطين ببنتن من اسكندرية روحنا نقبلهم وهما كانوا رايحين عيد ميلاد واحدة صحبتهم فى كيلو باترا المهم قلنا لهم هنيجى نوصلكم ونتمشى شوية وانتوا تروحوا عيد الميلاد واحنا هنروح المهم احنا كنا مظبطين الدماغ ع الاخر والدنيا فللى واخر حلاوة المهم خلاص وصلناهم وروحنا ناخد الترام علشان نروح فالمهم قعدنا انا وهو شوية فى استراحة المحطة وقعدنا نتكلم والكلام خدنا واحنا بتكلم لقينا عمارة من العمارات القديمة اللى مبنية ايام الانجليز وشكلها تحفة فانا بقول لهيثم صاحبى يا سلام لو الواحد ياخد شقة فى عمارة زى دى دى تبقا الدنيا روقت ع الاخر وفجاءة الترام وصل قلنا يلا بينا نمشى وركبنا الترام ولسة الترام هيتحرك اقسم بالله اقسم بالله هذا حدث فجااااااااااااااااااااااااااااااااااااااااءة لقينا العمارة بتنهار وبقت هى والارض حتة واحدة وكل العربيات اتدمرت والتراب ملئ الدنيا والناس عمالة تصوت وانا وهيثم صاحبى مسكين فى نعض وميتين على نفسا من الضحك ولغاية النهاردة مش عارفين كنا بنضحك لية فى موقف زى دة بس هو دة اللى حصل اقسم بالله مش عارف لية من يومها اصحابى بيقولوا لى يا شرارة مش عارف لية
تعليقات
إرسال تعليق