كان معايا واحد فى اللجنه إسمه السادات كان ثانوى منازل وقمة التشرد وأول أما إستلمنا ورق الأسئله بتاع الكيمياء راح مطلع كتاب المثالى قدام منه وبدأ ينقل الإجابات عينى عينك راحت اللى كانت بتراقب علينا -وكانت مزه طحن وبيضا شمع- مزعقه وقالت فين رئيس اللجنه وبتجرى على باب اللجنه عشان تندهلوا راح السادات جرى وراها ومطلع سنجه وقالها روحى إندهيلوا بس لو جه أنا هشوه وشك الجميل ده ومن بعدها هيا واقفه على باب اللجنه وبتقوله دارى الكتاب يا سادات رئيس اللجنه جاى ، طلع الكتاب يا سادات الدار أمان ويوميها اللجنه بتاعتى كلها جابت خمسين من خمسين فى الكيمياء وربنا يخليك لينا يا سادات مراقبين مش بييجوا غير بالسك
تعليقات
إرسال تعليق