كنت فى مكه المكرمه

كنت فى مكه المكرمه 

كنت واقف بالعربيه وقدامى واحد برده راكن 

نزل صاحبى يجيب اكل وهو كمان نزل يجيب اكل 

المهم نسى المفتاح فى العربيه

كل دا عادى

انا شايف الموقف ومتابع انه نازل من العربيه

المهم قعد يحاول يفتح العربيه مش عرف يمين شمال مافى نهائيا

رحت نازل من العربيه رحت له

قلتله ما تقلقش انا هفتحها ان شاء الله

كل دا عاااادى

وانا بحاول افتحها 

لقينا عربيه شرطه معديه 

ايش بتسوى؟

قلتله بفتح للراجل عربيته نسى المفتاح جوه

قوله حاجة يا حاج ودا ساكت

لقيت الشرطى نازل تعال انت كدا على جنب

اوبا ما تنطق يا شيخ 

عربية مين دى 

قالى اخويا 

نعععععععم اخوك يابن التيت فيها قطع ايد

قالى تعالوا كدا 

قلتله لو حلفت انى كنت بجيب اكل وحصل اللى حصل مش هتصدق

قالى طيب فين المفتاح اللى جوا مش باين

انطق يا شيخ المفتاح فين 

قال مادرى نسيته جوا

قاله طيب هات اخوك وحصلنا على القسم

كل دا وانا خلاص قلت هتبقى ليلة مووووز

4 ساعات اخوه صحى من النوم وجه براحته وجالنا وكان بينه وبين اخوه مشكله اتحلت كل دا وانا فى الحجز انا والسعودى التانى 

المهم فين وفين لما خلصت على خير الحمد لله

واحنا فى الحجز اقوله انا كنت بعمل ايه ؟

يقولى بتحاول تفتح السيارة

يابنى هقتلك انا كنت بساعدك فى فتح السيارة

يسكت 

نصيحة لا تدخل نفسك فيما لا يعنيك

هكذا قالها الظابط فى القسم ههههههه