اول رمضان صمته في حياتي كان عندي خمس سنين وصممت اني اصوم وفي البيت شجعوني وصاحبتي الانتيم صممت تصوم معايا وجينا علي الساعة اربعة والبت فرهدت وباباها يقولها يا بت افطري تقوله لااا مش حفطر الا مع نور وباباها وقفنا احنا الاتنين واجبرنا نشرب ميه انا شربت من كسوفي وحسيت اني عملت جريمة ورحت لماما في المطبخ وقلت لها وانا في منتهي الكسوف عموفطرنا ياماما بصت لي بصه عمري ماحنساها كلها لوم واحتقار وقالت لي اقعدي وعملت لي اكل ورمتهولي عالارض كده زي ماكون قطة والا كلب وقعدت اكل ودموعي نازله علي خدودي وطعمها في بقي وبعد اليوم ده كان استحاله اني افطر او اسمح لحد يغطرني الله يرحمك يا ماما ويجعله في ميزان حسناتك
تعليقات
إرسال تعليق